電影《查無此人》冷艷女Odi陳善渝日做30分鐘運動促新陳代謝

早前落畫的奇情高智犯罪電影《查無此人》，陳善渝（Odi）飾演一個高傲冷艷又風騷的女租客「June姐」，其戲服全都性感貼身，對又高又瘦的她，加上自小已學習芭蕾舞，身形完全fit到漏，完全冇難度。

由於從事幕前工作，Odi堅持一定要狀態十足，她個人的護膚是從運動和飲食著手，建議每日至少30分鐘運動，和減少食米飯，晩上則要拉筋。「我覺得要促進新陳代謝，每日早上行30分鐘樓梯或跑步機，即時帶動個heartbeat（心跳），全日工作，自會集中、有力和精神。飲食方面，我會少飯，因為冇咁易眼瞓。而晚上會做腳部拉筋和sit up，因為可以保持腹部嘅肌肉支撐，成個人嘅線條係會靚啲。若腹部冇肌肉，人會拉唔長，又會縮咗。所以大家都要加油！」