天文台近日首次發出「極端酷熱天氣」特別提示，全港多處氣溫高達35度或以上，不少市民都攪盡腦汁消暑，55歲名模馬詩慧就選擇大派「清涼照」。日前她更走出戶外享受初夏，穿上三點式泳裝，在海灘拍性感照並上載到IG吸Like。
話晒是超模，馬詩慧隨便擺幾個甫士已極誘人，可見她腰上零贅肉，更操出腹肌，連胸骨也差點現形，身材不輸2個囡囡，不少市民都好好奇，到底馬詩慧是如何管理身材?
原來她有一套獨門秘訣，就是「晚上少食澱粉質」及「少吃煎炸嘢」。她曾在訪問中透露無特別戒口:「因為食嘢係一種福氣，食到但唔食得就好大遺憾，所以我只會選擇食少啲。甜品我好鍾意食、煎炸嘢最多食少啲，又唔可以完全唔食，呢啲係人生嘅其中一啲享受嚟。」
做Model時，馬詩慧其實是「零運動」，近4、5年才開始有運動的概念，「雖然沒有固定的運動時間，但一星期會有兩、三次，忙碌的時候就一星期一次，每次一小時，會是瑜伽或是健身房的小組課程。」
不過最重要當然是夠自律性，馬詩慧話:「因為貪靚，發現自己肥咗少少就會自動食少啲，時間許可會做多幾日運動。」
要瘦，真是不能「躺平」的!
コメント