望到頸都長，終於等到暑期，係時候衝出香港去旅行，放放電！講到旅行，唔少得搭飛機，近日網上有一個美國空姐分享過機艙廁所好污糟，廁紙除咗沾染細菌，仲可能會有其他乘客嘅排泄物。
到底香港嘅飛機會唔會有相同恐怖情況？還是某些航空公司嘅環境比較惡劣？
小編一於請來前空姐Connie Yung爆料。Connie話: 「呢一個個案只係美國航空公司發生，而且是美國航空公司嘅空姐分享，其實空姐在飛行時有需要確保航機上的衞生，包括洗手間，我自己做咗三十年，從來都沒有聽過香港航空公司有類似問題，相信如果發生喺香港本土航空公司，香港傳媒、KOL、社交平台必定會大肆報道。」
講到飛機上的衛生問題，Connie話，每架航機都會定期數次全機消毒，最少一年兩次pest control，至於機艙內洗手間嘅衛生問題，航空公司都會喺每個外站機場parking bay聘用該機場嘅清潔公司，喺落客之後或上客boarding之前，全機進行清潔，包括乘客座椅、餐桌、廁所入邊嘅馬桶廁板洗手盆等。
每當飛機起飛之後，機艙服務員都會定時檢查洗手間的安全及衛生，每30-40分鐘便要檢查一次，呢個係民航處喺飛機安全必須檢查程序，包括馬桶廁板、洗手盆、以及鏡子。
至於洗手間入邊嘅廁紙，都係我哋一般超市嘅卷裝廁紙，每一卷都係獨立包裝的，相信感染細菌嘅比率是十分之低，機艙洗手間入面附設廁板紙俾乘客使用，絕對可以減低廁板上的感染問題。
比起街上或商場入邊嘅公共洗手間，入面的超大卷嘅廁紙以及廁格入邊嘅衛生情況，機艙的洗手間絕對衞生得多。
補充多句，如果發現機艙洗手間衞生太惡劣的話，基於機艙服務員還要向客人提供服務下，如飲品、饍食等，為保障同事和客人的接觸，我們並不會要同事清理，會直接封鎖該洗手間，避免客人進入。
ความคิดเห็น