姊妹們對頭髮的保養愈來愈講究，花幾千元剪髮、護髮認真濕濕碎，不過當大家專注留意洗頭水應該點揀，卻發現最傷害頭皮的，反而是由水龍頭中流出來的水。
近日有不少移民英國的姊妹哭訴去到英倫後，每次洗完頭後，成個浴缸都是頭髮，嚇到以為自己撞邪，原來留有一把飄逸秀髮的香港首位華人女騎師江碧蕙 江碧蕙 Kong Pik Wai Sherie，都曾深受脫髮之苦。
話說她當年跟法國騎師老公李格力結婚後移居法國生活，未幾開始發覺秀髮愈甩愈多：「同朋友傾起先知，法國水質原來係『硬水 』，跟香港唔同。」到底何謂「硬水」? 所謂的「硬水」，其實就是水中的礦物質含量比較高，當水經過水管時就有機會吸收更多礦物質，並將它們帶到頭髮上，這些礦物質的附著就會讓頭髮變得更乾。歐洲國家也都是「硬水」，所以不少人一去當地旅行都會覺得頭髮狀況不太好。
雖然明知法國水不利自己，但說到底是嫁雞隨雞，只好想盡辦法換洗頭水急救，可惜努力一輪還是無起色，「真係甩得好緊要，試勻所有辦法都唔得。」直至2016年，江碧蕙同生活了20幾年的老公離婚後返回香港，困擾多年的脫髮問題馬上改善，加上在朋友介紹下接受各種護髮療程，秀髮即時重回豐盈，「好開心，原來做頭療真係有用，有做同無做，前後分別非常之大！」
改用天然染髮劑
經歷脫髮之苦，江碧蕙更愛錫頭髮，但愛以型女打扮示人的她經常染髮以配搭不同造型。但為了不傷髮，她遍尋不傷頭髮的染髮秘方。近日她找到一間髮型屋，專門提供一種由竹樹提鍊出來的天然染髮劑，成份夠晒天然，不傷頭髮，「染出來嘅顏色同一般染髮劑無太大分別，效果一樣時尚，對於經常染頭髮嘅我，實在係一大福音！」
*********************
請follow / like Lady Secret facebook / IG專頁，追蹤更多姊妹們有興趣的資訊：
Comments