「生完孩子，老公就唔掂我了！」生完BB後，「下面」不夠以前緊緻，是不少媽咪的產後惡夢。生過2個囝囝的香港首位華人女騎師江碧蕙原來都曾經為此擔心：「曾經問過醫生係咪生完真係容易鬆，幸好我2個仔都係開刀生，至今未感覺到『下面』有鬆馳。」
21歲下嫁同為騎師的第一任丈夫李格力，江碧蕙婚後「努力造人」，3年內經歷9次人工受孕，2001年誕下大仔Samuel，3年後自然受孕誕下細仔Anthony。雖然2胎都是開刀，陰道無需受苦，不過孕婦在懷孕期間體內會分泌弛緩素，令全身肌肉得以放鬆，就算無經歷過順產，身體好多器官都會變得比之前更鬆。
為了避免將來有鬆馳煩惱，江碧蕙10年前已經試做「收陰機」。收音機大家聽得多，「收陰機」相信好多人都未做過。江碧蕙就膽粗粗試做了，「好記得當日瞓上床後，醫生就用部『收陰機』喺陰部外邊位置來回滾動，療程大約10幾分鐘，全程只感覺到暖暖哋，一啲都唔痛。」
不過試了3次後，她便沒有再試：「因為我真係無（下面）鬆馳問題，試完無明顯好大分別。」雖然無再做「收陰機」，不過江碧蕙想出妙法多鍛鍊陰部肌肉，秘訣就是每當行路時，會刻意邊行邊收緊小腹，尤其當她練習打高爾夫球時，會爭取機會在綠油油的草地上來回走動，「記得係邊行邊收緊下腹，咁先會鍛鍊到陰部肌肉。」江碧蕙話，不要少看這個看似平平無奇的「收陰」方法，「只要每日練5分鐘，就可以做番個緊緻女人，將來老咗，亦會減少尿滲問題。」
她慨歎身邊不少姊妹生完小朋友後，打個噴嚏都會出現滲尿，非常尷尬，奉勸好姊妹們「收陰」要趁早!!
*********************
請follow / like Lady Secret facebook / IG專頁，追蹤更多姊妹們有興趣的資訊： www.facebook.com/ladysecrethk www.instagram.com/ladysecrethk
Comments