有「美魔女」之稱的楊玉梅，左睇右邊都不似有59歲，身形fit到漏，體重長期保持約100磅，保養相當得宜。皆因着重健康的她，多年來除了演藝工作外，也會抽時間做瑜伽、讀營養學，正所謂「没有醜的女人，只有懶的女人」。
提及其「美魔女」心得？楊玉梅坦言個人不煙不酒，個性保持心境愉快，間中睇中醫調理，同時要著重運動和飲食兩方面。她早已考取瑜伽導師牌，平日都會做瑜伽拉筋。
而食多面，她因讀過營養學，會留意飲食標籤，「我唔食煎炸嘢、辣嘢，多食有機、天然食材。我會留意食物標籤，若啲鹽、糖或及鈉高嘅食物，都要留意。至於反式脂肪更要小心，因為食咗落肚，好難排出嚟，好似雪糕、菠蘿油都有反式脂肪，我會食少少，因為乜都唔食，就冇乜樂趣。」
楊玉梅的生活有紀律，難怪多年來都保持體重100磅上下。「我諗呢20幾年，依㗎係最肥105磅。因為一來疫情，二來係有朋友怕有番咁上下年紀，怕我肌肉流失，介紹我飲隻加X素啲蛋白粉。因為我知年紀大肌肉會流失，啲骨會脆和易跌倒，咁我飲咗一個星期，即刻重咗3磅，馬上停咗，但跟住瘦唔返，現保持105磅，但啲人覺得太瘦，會好憔悴，反而覺得我現在幾好。」
她祝願大家都保持健康，減肥切忌食減肥藥，一定要靠飲食和運動著手。
תגובות