娛樂台主播賴彥妤靠兩招保持Fit爆身材！

無綫娛樂台主播賴彥妤（Vivienna）從事幕前工作，對個人的外形和體態，當然十分重視。而170高的她，長期保持47公斤（約103磅），身材勻稱，皆因有定期輕斷食和生果減肥法keep fit。所謂輕斷食，她指通常用8小時濃縮食幾餐，第一餐是輕食，晚餐則較豐富。

若有時太多應酬，食得飽飽滯滯，賴彥妤則會搵一、兩日進行「生果減肥法」，「嗰兩日只食生果，如香蕉、橙、奇異果等，其實食完生果，再飲埋水，都有飽肚感。但若有胃痛情況，就不要多食。」她自己懂理飲食，而每朝早上飲杯黑啡，有助提神、去水腫功效，上鏡自然靚啲、sharp醒啲。