無綫娛樂新聞台主播潘盈慧（阿盈），平日四出採訪娛樂消息，經常在鏡頭前現身，故十分留意自己的容貌。她一早發現有大細臉情況，以為是天生所致，惟有靠化妝和影相角度補救，後來跟資深美骨顧問Carmen So見面，方知是骨架問題影響所致。
阿盈透露：「我知道自己一邊臉係靚啲，另一臉係怪啲啲，之前以為自己係肥。後來先知係自己壞習慣做成，因我長期側睡，搞到兩邊臉唔平衡。我以為係側右邊面，但Carmen一睇就話係左邊，我再留意自己，瞓醒的時候真係側左邊。自此，我就提醒自己，瞓覺盡量唔好郁，要仰睡。」
因骨盆會直接影響兩邊臉的大細，阿盈叮囑各位sis ，「千祈不要側睡，要平仰，同時不要蹻腳，因為會影響骨盆，引致大細面；否則做幾多Facial和瘦臉療程都無補於事。」
Commentaires