曾參加ViuTV《全民造星3》的女模袁晴晴（CoCo），雖然失落賽事，但卻轉戰書展，將於七月書展推出入行首本寫真集，除在港，還遠赴韓國首爾取景拍攝，當中大玩多個造型，如晚裝、時尚、校服、韓服等。
因工作關係， CoCo經常要換妝換髮型，若頭髮長期遭受漂染等化學物質影響，難免會受損。她為保頭髮絲，堅持less is more，護髮心得相當另類。
她說︰「我頭髮唔搞咁多嘢，所以寧戴假髮，因為現今嘅假髮質量好好，我較喜歡選用台灣的假髮，因為佢係純人手造，用仿絲質料，像真度好高。平均台幣約4、5千元（約港幣8百至1千元）一個，我帶埋去韓國紮辮影相，相當方便，每兩、三個月就會換。打理假髮都容易，用噴霧或乾洗清潔，得閒又梳順啲頭髮，但千祈不要戴假髮去食韓燒或打邊爐，免得吸味。」
而CoCo閒時會到髮型屋，為真頭髮做焗油護理，每日早晚都會梳頭，「我會用有按摩功嘅梳，因為有助血液循環，若長髮時，會用髮尾油，冇咁易開叉。」
Comments