司徒鈺芸教妳一招擊退妊娠紋！

武打女星司徒鈺芸（JuJu）剛於今年母親節公布誕下B女，由於是新手媽媽，她忙於學習湊BB，同時又開始給BB餵人奶，縱使休息時間欠奉，母愛永遠有無窮的能量，轉眼間，B女健康地成長，肥肥白白，相當可愛。

有女萬事足的 JuJu，緊張B女之餘，也不忘打理自己，因為孕婦在懷孕期間，隨著胎兒在媽媽體內成長，肚皮會愈撐愈大，當支撐皮膚的組織例如膠原蛋白和彈力蛋白纖維，抵擋不了肚皮的延展和拉扯而撕裂，便會形成妊娠紋。

所以 JuJu在佗B期間，已開始搽油去妊娠紋。她說︰「初時都有擔心有肚皮紋，所以不斷搽啲去妊娠紋嘅油，好似摩洛哥堅果油、椰子油或植物油，搽落肚皮到。此外，我建議多飲水，每日2至3公升水，提高個人狀態，有助改善肚皮紋。另外，肚皮紋跟遺傳有關係，若媽媽、姐妹有肚皮紋，自己有嘅機會大，而我媽媽冇肚皮紋，我見自己都冇乜，可能都加上我有搽油。」