鏡頭髮型密過森林的藝人 嚴淑明 Mandy Yan，3年前開始有脫髮煩惱，位置仲要生正非常顯眼的前額位，面積有成2個5蚊銀般大，將髮線左撥右撥也遮不到。為此，Mandy四出尋找生髮秘方，包括換洗頭水、狂搽生髮水，最後還找醫生求救，嘗試接受生長因子活髮的RGA美髮療程，可惜試了幾次還是「寸草不生」，對於經常要以靚樣示人的她來說，可說是晴天霹靂。
Mandy一向有「話題女王」之稱，當年去台灣發展時，曾以鏤空女晶衫現身「金鐘獎」，又試過以性感造型在街上影寫真，哄動一時。近幾年她轉戰醫美界發展，斥資近百萬元在旺角開設醫務中心，經常落手落腳打點，由登記、清潔、執貨到換水都一腳踢，由「女王」降呢成「阿四」。
未知是否因為疫情期間生意壓力太大，搞到開始脫髮，仲愈甩愈多，「我都唔知係頭髮無晒營養，定毛囊壞死，總知試盡所有方法，都搞唔掂！」她呼籲各位姊妹有甚麼生髮秘方，記得介紹給她！
用髮片回復自信
不過未諗到生髮方案前，頭頂禿髮位都要面對。有日她聽朋友介紹用髮片急救，腦袋叮一聲，即時醒晒：「係噃！原來用髮片咁簡單就搞掂，於是馬上去買，點知一戴上頭果然好得，自信即時翻晒嚟！」嚴淑明話，起初戴得遮遮掩掩，怕被人笑，怎知同娛樂圈朋友傾開，先知原來好多藝人都戴。
不少姊妹甩少少頭髮就會失落到好似世界末日一樣，Mandy算樂觀，不介意告知他人有脫髮煩惱：「可能同我患過重病有關！」接受藥物治療的日子，Mandy將頭髮剪到好短，部分位置還剃光了，「我戴住假髮時，亦未有停止返大陸做宣傳。覺得只要能撐住出到門口，戴住假髮都上去。」
相比當年，Mandy現在前額少少脫髮，她覺得不算甚麼，希望疫情後生意好轉，壓力bye bye後，脫髮會離她而去。
*********************
請follow / like Lady Secret facebook / IG專頁，追蹤更多姊妹們有興趣的資訊：
Comments