敢於追愛的香港首位華人女騎師江碧蕙（Sherie）2017年3月同法籍網球教練老公Jerome閃婚，羨慕死不少姊妹。Sherie兩次都是嫁給「爆肌男」，仲要生完兩個囝囝依然追求者不絕，「吸睛度」極高，秘密原來全靠「夠膽死」。
為了變靚，Sherie自爆2005年曾做剪肚皮手術，仲要專程飛去泰國做，「手術費連10日住宿只係四萬蚊，價錢只係香港嘅3分1。」經過2小時手術，「鬆拋拋」的肚皮贅肉bye bye。剪皮痛嗎？Sherie答得爽快：「當你見到原來佈滿蜘蛛網紋嘅肚皮回復平滑，乜痛都唔記得晒。況且相比生仔，剪肚皮真是小兒科！」雖然手術後留下一道比手掌還要大的疤痕，不過著起性感泳衣完全遮到晒。
何解紮紮跳的Sherie都肥到要「剪皮」？原來是經歷2次懷孕後，體重飊升到磅，本來白滑又緊緻的肚皮撐到比籃球還要大，仲出現一大遍蜘蛛網紋，嚇到她連鏡也不敢再照：「好唔開心，曾經好抑鬱。」Sherie話，產後好快瘦身，回復磅重，怎知當她為可以著回昔日的牛仔褲而沾沾自喜時，一把褲鈕扣上，一塊怪異的皮便從褲邊滑出來。」經醫生檢查，發現她產後不止肚皮嚴重鬆馳，腹直肌也出現分離，令到腹部中央凹陷，非常難看。最後由泰國醫生妙手回春，先幫她縫回腹直肌、抽脂，然而剪走多餘的肚皮，即時「索」晒！Sherie開心到飛起話：「係呢世人最值得做嘅手術」
*********************
請follow / like Lady Secret facebook / IG專頁，追蹤更多姊妹們有興趣的資訊：
Comentários