《一線搜查》主持羅頌欣分享外㬌法寶「一支防曬集齊3大功能」

有線HOYTV《一線搜查》主持羅頌欣（Debbie），因為要為觀眾帶來第一手的本地新聞、社區及時事資訊，她既要在廠景報道，也要除工作人員四處去採訪。適逢近年氣溫不斷上升，出訪外景都要跟陽光玩遊戲，縱使羅頌欣天生一副小麥的健康膚色，但若曬得太黑，即使可以打燈上鏡，但效果都「唔靚」。

所以每逢外出，羅頌欣一定做足防曬措施，「一定會用好厚、水潤性高嘅防曬cream，搽勻成身後，就會帶一支噴霧式嘅防曬，呢支仲可以冷感，因為夏天真係太熱又成身汗，方便降溫。我好鍾意呢支防曬，因為身處外景，有時要攀山涉水，太陽和蚊蟲都係大敵，但佢係集防曬、降溫、防蚊蟲功效，真係very good。由於要經常補防曬，我唔會帶cream狀嘅，因為會怕太厚，kick住一嚿嚿。我會用噴霧，因為不會黏住，但也有唔好處，佢太薄，半小時或一個鐘，就要補防曬。」

因搽過防曬，羅頌欣強調事後一定要做清潔功夫，還建議最好每日飲2至3公升的水，保充身體水份，當然還要每日要敷水份的面膜，由內至外都要保水。