發現唔少40幾歲嘅男人，喺Dating App度都會寫自己「39歲」，自此之後，我對「39歲」產生左不解嘅迷思。本人並非年齡歧視，但往往到最後哩啲人的確都係怪怪哋，真係要分享下。
第一個，一出黎就知道中咗伏，男人老狗都照騙，睇佢相貌同行為舉止，好明顯唔止39歲，飲緊嘢嘅時候我好casual咁問咗句「你真係39歲嘛？」，點知佢即刻跳掣「我係唔止39歲呀，咁點丫，你介意嘅話可以走先㗎。」佢話因為唔想自己被filter咗，set up完account又改唔到歲數（喎），whatever啦，啲玻璃碎到一地都係，我無再覆機。
第二個，第一次食飯，睇佢談吐唔似39歲，一問之下果然又係40幾。佢開餐廳的，成日飲酒飲好多飲到醉醉地就打俾我，跟住講一大輪話個客成日扮有錢，睇人哋IG成日食Omakase又睇唔過眼。最後一次同佢食飯嘅時候我講咗句，其實呢啲都係人哋嘅事，又唔使咁介意，點知佢又玻璃心破裂，跳掣鬧咗我一大餐，問我係咪教佢做人，我公關職業病上身諗住打個完場大家好落台，佢又問我係咪想吊住佢，轉個頭又話明白我為佢好，講晒對唔住。最後我叫佢食完餐飯記得delete我電話，我無再覆機。
第三個，如是者，又話唔想自己被filter咗，set up完account又改唔到歲數（喎），同埋佢覺得自己個樣後生過40歲（喎）。Anyfei，佢好鍾意show off，話要去咩private club食飯，食飯時自我感覺良好，個個waiter、waitress都要傾幾句，終於食咗三粒鐘，我話不如去行下，佢話你趕時間嘅可以走先，瞬間我嘅時間觀念變到好模糊，到底一個brunch應該要食幾耐。我話好呀咁埋單先，為免佢覺得我搵佢笨，我話咁不如夾卡啦，佢喺個waiter面前話唔得，梗係佢比；跟住......返到屋企佢send咗張單比我，我無再覆機。
Dating App果然無奇不有，充滿奇人異士。
********************* 請follow / like Lady Secret FB / IG專頁，追蹤更多姊妹們有興趣的資訊： www.facebook.com/ladysecrethk www.instagram.com/ladysecrethk
Comments